ပုပ်ရဟန်းမင်းကြီး၏ သက်တော်စောင့်များ

 

ဗာတီကန်နိုင်ငံဆိုသည်မှာပုပ်ရဟန်းမင်းကြီးစံမြန်းရာနန်းတော်
တည်ရှိသောနိုင်ငံဖြစ်သည်။ပုပ်ရဟန်း မင်းကြီးသည်ထိုနိုင်ငံ၏
နိုင်ငံ ခေါင်းဆောင် ဖြစ်သည်။ ဗာတီကန်နိုင်ငံသည်အီတလီနိုင်
ငံရောမမြို့ ထဲတွင် တည်ရှိသော ကမ္ဘာ့အသေးဆုံးနိုင်ငံတစ်ခုဖြစ်

သည်။ သို့သော် ထိုနိုင်ငံကို အုပ်ချုပ်သော ပုပ်ရဟန်းမင်းကြီးသည်
ကမ္ဘာတစ်ဝှမ်းလုံးရှိကက်သလစ်အသင်းသားသန်းပေါင်းတစ်ထောင့်
နှစ်ရာငါးဆယ်(၁.၂၅ဘီလျံ)ကိုဦးဆောင်ရသောအသင်းတော်ကြီး၏
ဦးသျှောင်ဖြစ်သည်။ထိုဗာတီကန်နိုင်ငံတော်ကြီးကို အီတလီ အစိုးရက
ဝိုင်းဝန်းကူညီစောင့်ကြပ်ပေးကြသည်။သို့သော်ပုပ်ရဟန်းမင်းကြီးနှင့်သူ၏ နန်းတော်အတွက်အထူးစောင့်ကြပ်ပေးရသောသက်တောင့်စောင့်တပ် သားများလည်းရှိသည်။ခေတ်အဆက်ဆက်ပြောင်းလဲလာသည်နှင့်အမျှ ပုပ်ရဟန်းမင်းများ၌နာမည်အမျိုးမျိုးဖြင့်စစ်သူရဲများရှိခဲ့သည်။ ထိုစစ်သူရဲများမှာ-
(၁)ပုပ်ရဟန်းမင်းကြီး၏ (ကိုဆီးကာ)သက်တော်စောင့်၊ (Corsican Guard)။ ကိုဆီးကာသည်အီတလီနိုင်ငံရှိကျွန်းတစ်ကျွန်း၏အမည်ဖြစ်
သည်။ကိုးဆီးကာတပ်သည်ထိုကျွန်းပေါ်ရှိလူမျိုးများ၏အမည်ဖြစ်သည်။
ပုပ်ရဟန်းမင်းကြီးအတွက်ရောမားမြို့၌(၁၆၀၃)မှ(၁၆၆၂)အထိအမှုတော်ထမ်း ခဲ့သည်။
(၂)ပုပ်ရဟန်းမင်းကြီးအတွက်ပြင်သစ်သက်တော်စောင့်။(Papal Zouaves) ထိုတပ်ဖွဲ့ကို(၁၈၇၀) တွင် ဖျက်သိမ်းခဲ့သည်။
(၃)မြင့်မြတ်သောပုပ်ရဟန်းမင်းကြီး၏မြင်းတပ်သား (Noble Guard, the horse guard)။ ထိုတပ်ဖွဲ့ကို (၁၈၀၁) ခုနှစ်တွင်ဖွဲ့စည်းခဲ့ပြီး (၁၉၇၀)
တွင် ဖျက်သိမ်းခဲ့သည်။
(၄)ပုပ်ရဟန်းမင်းကြီး၏နန်တော်စောင့်တပ်သား (Palatine Guard
,the papal militia)။ ထိုတပ်ဖွဲ့ကို (၁၈၅၀) တွင်ဖွဲ့စည်းခဲ့ပြီး (၁၉၇၀)
တွင်ဖျက်သိမ်းခဲ့သည်။
(၅)ပုပ်ရဟန်းမင်းကြီး၏ပြင်သစ်ရဲတပ်ဖွဲ့။(Papal Gendarmeric Corps)။ ထိုတပ်ဖွဲ့သည် (၁၉၇၀) တွင် ဗာတီကန်နိုင်ငံ၏ ရဲတပ်ဖွဲ့
အမည်ဖြင့်ပြန်လည်ဖွဲ့ စည်းခဲ့သည်။
(၆)ဆွစ်ဇလန်သက်တော်စောင့်တပ်သားပုပ်ရဟန်းမင်းကြီး၏
သက်တော်စောင့် တပ်သား( Swiss Guard) ထိုတပ်ဖွဲ့သည်(၁၅၀၆)
မှ ယနေ့တိုင်ပုပ်ရဟန်းမင်းကြီးထံတော်ပါးတွင်အမှုထမ်းနေသော
သက်တော်စောင့် တပ်သားများ ဖြစ်သည်။
ယနေ့ကျွန်ုပ်တို့ပုပ်ရဟန်းမင်းကြီးနန်းတော်တွင်မြင်တွေ့နေ
ရသောရှေးခေတ်ဝတ်စုံနှင့်တပ်သားများ သည် ဆွစ်သက်တော်စောင့်
တပ်သားများ ဖြစ်သည်။ သူတို့၏အဓိကလုပ်ငန်းမှာ ပုပ်ရဟန်းမင်းကြီးနှင့် သူ၏နန်းတော် ရင်ပြင်များကိုအထူးစောင့်ကြပ်ပေးရသည်။ထို့ပြင်အီတလီရဲ များနှင့်ပူးပေါင်း ၍ ဗာတီကန်နိုင်ငံအတွင်းသို့ဝင်လာသောဧည့်သည်များကိုလည်းစောင့်ကြည့်ပေးရသည်။ပုပ်ရဟန်းမင်း ကြီးလစ်လပ်နေချိန်မှာမူ သူတို့သည် ရဟန်းအမတ်များ (ကာဒီနယ်) များကို ပုပ်ရဟန်းမင်း
ကြီး အကောင်းဆုံးရွေးချယ်နိုင်ရန်လုံခြုံရေးပေးရသည်။ပုပ်ရဟန်းမင်း
ကြီး၏သက်တော်စောင့်တပ်ဖွဲ့နှင်စပ်လျှင်း၍သမိုင်း ကြောင်းကို အနည်း
ငယ်ရှင်းပြရသော် (၁၃) ရာစုနှင့်(၁၄)ရာစု များတွင် ဆွစ်နိုင်ငံသည် အ
လွန်ဆင်းရဲသောနိုင်ငံဖြစ်သည်။စစ်မက်ရေးရာတွင်လည်းအလွန်ကျွမ်း
ကျင်၍ထိုစစ်မှုထမ်းအလုပ်မှတစ်ပါးအခြားအလုပ်မရှိသောကြောင့်နိုင်ငံအသီးသီးသို့ကြေးစားစစ်သည်တော်များ အဖြစ် သွားရောက်အမှုထမ်းကြသည်။ သူတို့ နိုင်ငံ တွင်လည်းထိုစစ်သည်များကို အခြားနိုင်ငံများသို့စေ
လွတ် အမှုထမ်း နိုင်ရန် အတွက် အဖွဲ့တစ်ဖွဲ့ကို တည်ထောင်ထားကြ
သည်။ ထိုကြေးစားစစ်သားများကို ခေါ်ယူ အသုံးပြု လိုပါက စာချုပ်နှင့်
တကွ ခေါ်ယူ၍ ငွေကြေးအမြောက်အများ ပေးရသည်။
ပုပ်ရဟန်းမင်းကြီး စတုတ္ထမြောက်စိစတု(Pope Sixtus IV)သည်လည်း အနာဂါတ်တွင် ပုပ်ရဟန်းမင်းများ အတွက်လိုအပ်လာပါက ကူညီရန် ထိုဆွိစ် ကြေးစား အဖွဲများနှင့်ပထမဦးစွာ (၁၄၉၇)ခုနှစ်တွင် မဟာမိတ်ဖွဲ့
ခဲ့သည်။ထို့နောက် သူတို့အတွက် စစ်တန်းလျားတစ်ခုကိုလည်း ဗာတီ
ကန်နိုင်ငံရှိ ဘုရားဖူးများ တည်းခိုရာ စိန်ပီလီဂရီအာနို ဘုရားကျောင်းငယ် အနီးတွင် တည်ဆောက်ပေး ခဲ့သည်။ ထိုစစ်တန်းလျားသည်ယနေ့တိုင်တည်ရှိဆဲဖြစ်သည်။ ထိုသဘောတူ စာချုပ် ကို ပုပ်ရဟန်းမင်းကြီးသတ္တမမြောက် အင်နိုးဆင်း(Pope Innocent VII) ကလည်း မီလန်မြို့စား၏
ရန်မှ ကာကွယ်ရန်အတွက် ထပ်မံချုပ်ဆိုခဲ့သည်။ ပုပ်ရဟန်းမင်းကြီး စတုတ္ထမြောက် အလင်ဇားဒါး (Pope Alexander IV) လက်ထက်တွင်လည်း ထိုစာချုပ် ကိုထပ်မံချုပ်ဆိုခဲ့ပြန်သည်။
ဆွစ်သက်တော်စောင့် တပ်သားများကို တရားဝင်ပုပ်ရဟန်းမင်းကြီး ၏ သက်တော်စောင့်အဖြစ်စတင်အမှုထမ်း သည့်အချိန်မှာ ပုပ်ရဟန်းမင်းကြီး ဒုတိယမြောက် ဂျူလီယက်(Pope Julius II) လက်ထက် တွင်ဖြစ်သည်။ ထို့ကြောင့် ဤအဖွဲ့ကို ပုပ်ရဟန်းမင်းကြီးဒုတိယမြောက်ဂျူလီယက် က (၁၅၀၆) ခုနှစ် ဇန်န၀ါရီလ၂၂ရက်နေ့တွင် စတင်ဖွဲ့ စည်းခဲ့သည်ဟု ဆိုနိုင်ပါသည်။ ထိုအချိန်တွင် တပ်သားဦးရေမှာ (၁၅၀ )ဦးရှိသည်။ ထိုကြောင့်ယခုအချိန်တွင် သူတို့သည် ပုပ်ရဟန်းမင်းကြီး၏ သက်တော်စောင့်အဖြစ် နှစ်ပေါင်း ၅၀၀ ကျော် အမှုထမ်းခဲ့ပြီးဖြစ်သည်။ ၂၀၀၆ခုနှစ်တွင်လည်းဂျူဗလီနှစ်၅၀၀ ပြည့်ပွဲကို ကျင်းပပြီး စီးခဲ့ပြီးဖြစ်သည်။
ထိုတပ်ဖွဲ့သို့ဝင်ရောက်အမှုထမ်းလိုသောသူများမှာအောက်ပါ အရည်
အချင်းနှင့်ပြည့်စုံသူဖြစ်ရမည်။
(၁)ဆွစ်ဇလန်နိုင်ငံသားဖြစ်ရမည်။
(၂)ကက်သလစ်ဘာသာဝင်တစ်ယောက်ဖြစ်ရမည်။
(၃)လက်မထပ်ရသေးသောယောက်ျားလေးဖြစ်ရမည်။
(၄)အသက်၁၉နှင့်၃၀ကြားရှိသူဖြစ်ရမည်။
(၅)ဆွစ်ဇလန်နိုင်ငံတွင်စစ်ရေးနှင့်ပတ်သက်သောအခြေခံသင်
တန်းအောင် မြင်ထားသူဖြစ်ပြီး၊ နာမည်ကောင်းဖြင့်လက်မှတ်ရထား
သူဖြစ်ရမည်။
(၆)အရပ်အမြင့်ပေ ၅ပေ၉လက်မနှင့် အထက်ရှိသူဖြစ်ရမည်။
(၇)အထက်တန်းကျောင်းများမှဘွဲ့တစ်ခုခုသို့မဟုတ်ဒီပလိုမာဘွဲ့
လက်မှတ် တစ်ခုခု ကိုကိုင်ဆောင်ထားသူဖြစ်ရမည်။
(၈)လိုအပ်လာပါကပုပ်ရဟန်းမင်းကြီးအတွက်အချိန်မရွေးအသက်
ကို ပေးဝံ့သူဖြစ် ရမည်။
မေလ၆ရက်နေ့သည်ထိုတပ်သားများအားလုံး ကတိသစ္စာကျိန် ဆိုရသော နေ့ဖြစ်သည်။ သူတို့အားလုံးနီးပါးသည် ဂျာမန်ဘာသာစကားကို ပြောဆို
ကြသည်။ သူတို့ရွတ်ဆိုရသော စာသားများမှာ "ကျွန်ုပ်သည် ပုပ်ရဟန်း
မင်းကြီး (နာမည်)၊ သူ့ကို ဆက်ခံမည့်ပုပ်ရဟန်းမင်းကြီးများကို သစ္စာရှိစွာ၊ ဖြောင့်မတ်စွာ၊ နှင့် ရိုသေ လေးမြတ်စွာဖြင့်လိုအပ်လာပါက အသက်ကို
ပင်စတေးပြီး အစွမ်းရှိသမျှ ကာကွယ် စောင့်ရှောက်ပါမည် ဟုကျိန်ဆိုဂ
တိပြုပါသည်။ ပုပ်ရဟန်းကြီး လစ်လပ်နေသော အချိန် တွင်လည်း ရဟန်းအမတ်များကိုကာကွယ် စောင့်ရှောက်ပါမည်။ ကျွန်ုပ်ကို ဦးဆောင်နေ
သောဗိုလ်ကြီးများနှင့်တကွဝိညာဉ်ရေးလမ်းညွန်ပေးသောပုဂ္ဂိုလ်များ၏
စကားများကိုလည်းသစ္စာသိစွာနာခံပါမည်ဟုဂတိပြုပါသည်။အပေါ်ကဆိုခဲ့သောသစ္စာအတိုင်း တည်စေရန်ဘုရားသခင်နှင့် ကျွန်ုပ်ကို မှိုင်းမသော ရဟန္တာများကူညီကြပါ"ဟုရွတ်ဆိုကြရသည်။
သူတို့၏ရာထူးအဆင့်ဆင့်များမှာ
(၁)ဗိုလ်မှူးကြီး (Colonel)။တစ်ဦးတည်းသာရှိသည်။
(၂)ဒုတိယဗိုလ်မှူးကြီး(Lieutenant Colonel) နှစ်ဦးရှိသည်။ဒုတိယ
ဗိုလ်မှူးကြီးနှင့် တပ်သားများကို ၀ိညာဉ်ရေးဆိုင်ရာညွှန်ကြားပေးသော
ပုဂ္ဂိုလ်။
(၃)ဗိုလ်မှူး (Major)။
(၄)ဗိုလ်ကြီး(Captain)။
သူတို့ကိုင်ဆောင်သောလက်နက်မှာ ရှေးခေတ်က ၇ပေရှည်သောလှံ ဖြစ်သည်။ သူတို့သည် ခြေလျင်တပ်သားများဖြစ်ကြသည်။သူတို့၏ တပ်သား ယူနီဖောင်း အရောင်များမှာ အပြာ၊ အနီ နှင့် လိမ္မော်ရောင် (သို့မဟုတ်) အ၀ါရောင်တို့ ဖြစ်သည်။လည်ပင်းကော်လံနှင့် လက်အိတ်တို့မှာ အဖြူ
ရောင် ဖြစ်သည်။ သို့သော်ညဘက်တာဝန် ထမ်းဆောင်ချိန် နှင့်သင်တန်းအချိန် ကာလ တွင် သူတို့၏၀တ်စုံမှာ အားလုံး အပြာရောင်ဖြစ်သည်။ထိုဝတ်စုံကို (Exerzier Uniform) အက်ဆာဇီး ယူနီဖောင်း ဟုခေါ်သည်။သူတို့ဆောင်းသောဦးထုပ်မှာ သံပုရာခြမ်း အမဲရောင် ခမောက်ဖြစ်သည်။ ထိုခမောက် ပုံစံသည်ဘက်စကွီး (Basque) လူမျိုးစုများဆောင်းသော
ခမောက် ပုံစံဖြစ်သည်။သူတို့၏လက်စွဲ ဆောင်ပုဒ်မှာ ပြင်းထန်ခြင်းနှင့်
သစ္စာရှိခြင်း (Motto: Acriter et Fiderliter" Fiercely and Faithfully) ဟူ၍ဖြစ်သည်။သူတို့ကိုကာကွယ်စောက်ရှောက်ရန် ရွေးချယ်ထားသော
ရဟန္တာများမှာ တိုအာမြို့မှ စိန်မာတင်း၊ စိန်စဗယ်စတီးယန်း နှင့်ဖလူးမြို့
မှစိန်နီကောလား (Patron Saint: Martin of Tours, Saint Sebastian, Saint Nicholas of Flue) တို့ဖြစ်သည်။ယခု၂၀၁၅ခုနှစ်တွင်သူတို့၏တပ်သားဦးရေမှာ၁၂၀ဖြစ်သည်။ ကမ္ဘာပေါ် တွင်အငယ်ဆုံးနိုင်ငံတစ်နိုင်ငံ၏ တပ်သားများဖြစ် ပြီးသက်တန်း အရှည်ဆုံးတပ်ဖွဲ့ ဖြစ်သည်။

(နောက်ဆုံးနှစ်ကိုရင်ကြီးများချန်ထားခဲ့သောခြေရာလက်ရာများစာအုပ်မှပြန်လည်ဝေမျှခြင်းဖြစ်ပါတယ်။)