ခိုင်းတယ်။ သခင်ယေဇူးက ကောင်းကင်ဘုံမေတ္တာကိုသင်ပေးတယ်။ကျွန်ုပ်တို့ကက်သလစ်တွေ နေ့စဉ် ရွတ်ဆိုနေကြတဲ့ကောင်းကင်ဘုံမေတ္တာနဲ့ အနည်းငယ်ကွဲလွဲနေတာကို တွေ့နိုင်ပါတယ်။ ကျွန်ုပ်တို့နေ့စဉ် ရွတ်ဆိုနေတဲ့ ကောင်းကင်ဘုံမေတ္တာကို ရှင်မာတေဦး (၆း၉-၁၃) ကျမ်းထဲက ကောက်နှုတ်ထားခြင်း ဖြစ်ပါတယ်။ ယနေ့ကျွန်ုပ်တို့ကြားနာခဲ့ရတဲ့ကျမ်းစာကတော့ ရှင်လုကာခရစ်ဝင်ကျမ်းမှ ကောက်နှုတ် ချက်ပင်ဖြစ်ပါတယ်။ ရှင်လုကာကျမ်းမှာထူးခြားချက်ကတော့ သူကဆုတောင်းခြင်းကို ဦးစားပေးပြီး ရေးလေ့ရှိပါတယ်။ ဧဝံဂေလိကျမ်းလေးစောင်ထဲက ရှင်လုကာကျမ်းစာထဲမှာပဲ သခင်ယေဇူးရဲ့ဆု တောင်းခြင်းကို အကြိမ်များစွာတွေ့နိုင်ပါတယ်။ ကျွန်ုပ်တို့လူသားတိုင်းက မိမိကိုယ်ကိုအစိုးမရဘူးဆို တာကို ခံစားမိကြတယ်။ ဒါကြောင့် ကိုးကွယ်ရာတစ်ခုခုကိုရှာလေ့ရှိပါတယ်။ အဲဒီကိုးကွယ်ရာထံမှာ ဆုတောင်းကြတယ်။ ဘာသာတရားတိုင်းမှာ ဆုတောင်းတဲ့အလေ့အထရှိတာကို တွေ့နိုင်ပါတယ်။ ဒါပေမယ့် ကျွန်ုပ်တို့ခရစ်ယာန်တွေဆုတောင်းတဲ့ပုံစံနဲ့ အခြားသောဘာသာဝင်တွေဆုတောင်းတဲ့ပုံစံ ကွဲလွဲနေတာကို သတိပြုမိကြမယ်ထင်ပါတယ်။ အခြားသူတွေဆုတောင်းတာက ရလိုတဲ့အတွက်ဆု တောင်းကြတယ်၊ ကြောက်ပြီးဆုတောင်းကြတယ်၊ ဆုတောင်းတဲ့အထဲမှာ စိုးရိမ်မှုတွေပါနေတတ်တယ်။ ခရစ်ယာန်တွေရဲ့ဆုတောင်းတဲ့ပုံစံက အဲဒီလိုမဟုတ်ပါဘူး။ ယနေ့ကျမ်းစာကိုကြည့်ရင် ခရစ်တော် သင်ပေးတာက ဘုရားသခင်ထံဆုတောင်းတဲ့နေရာမှာ သားသမီးတွေက ကိုယ့်ဖခင်ထံမှာ မုန့်ဖိုးတောင်း သလိုပေါ့ပါးပြီး ယုံကြည်မှုအပြည့်ရှိတဲ့ပုံစံနဲ့ ဆုတောင်းနိုင်ပါတယ်။ ဆုတောင်းခြင်းရဲ့အစမှာပဲ အိုအဖ လို့သုံးလိုက်ခြင်းအားဖြင့် သားသမီးတွေက မိဘအပေါ်မှာထားတဲ့ယုံကြည်မှုကို ပေါ်လွင်နေစေပါတယ်။ ကျွန်ုပ်တို့မိဘထံမှာ မုန့်ဖိုးတောင်းတဲ့အခါ မိဘကပေးမှာသေချာတယ်ဆိုတဲ့ ယုံကြည်မှုမျိုးရှိတယ်။ ကိုယ့်ဖခင်ဖြစ်တဲ့အတွက် ရှက်စရာမလိုဘူး၊ ပွင့်ပွင့်လင်းလင်းတောင်းလို့ရတယ်ဆိုတာကို သိနေကြ ပါတယ်။ ဒီအတိုင်းပါပဲ ကျွန်ုပ်တို့ဆုတောင်းတဲ့အခါမှာ ကျွန်ုပ်တို့ရဲ့လိုအပ်ချက်တွေကို သိပြီးသားဖြစ် နေတဲ့ကျွနု်ပ်တို့ရဲ့အဖေထံမှာ ပွင့်ပွင့်လင်းလင်း ရိုးရိုးသားသား ယုံကြည်မှုအပြည့်နဲ့တောင်းဖို့ပဲလိုပါ တယ်။ ခက်နေတာက ကျွန်ုပ်တို့ခရစ်ယာန်တစ်ချို့ရဲ့ဆုတောင်းမှုက အခြားသူများလို စိုးရိမ်မှု၊ ကြောက် လန့်မှုတွေနဲ့ဆုတောင်းနေတတ်ကြတာဟာ ဝမ်းနည်းစရာကောင်းပါတယ်။
နောက်တစ်ချက်အနေနဲ့ ဒီဆုတောင်းမေတ္တာရဲ့ဗဟိုအချက်ဖြစ်တဲ့ တစ်နေ့တာလိုအပ်သော အစားအစာကို ကျွန်ုပ်တို့အားပေးသနားတော်မူပါ လို့ဆိုတဲ့နေရာမှာ ကာယအစာတစ်ခုထဲကို ဆိုလို ခြင်းမဟုတ်ပဲ ဝိညာဉ်အစာကို အဓိကဆိုလိုပါတယ်။ တောလည်ရာကျမ်းထဲမှာ အီဇရာအဲလ်လူမျိုးတွေ တောကန္တာရထဲမှာ နှစ်ပေါင်းလေးဆယ်သွားလာနေရတဲ့အခါမှာ ဘုရားသခင်ကနေ့တိုင်း ကောင်းကင် ကမာနာမုန့်ကို ပေးခဲ့တယ်။ အဲဒီမုန့်ကို ယူသိမ်းထားလို့မရဘူး၊ ပျက်စီးသွားတယ်၊ တစ်နေ့စာပဲ စားသုံး လို့ရတယ်။ အဲဒီတုန်းက ဘုရားသခင်က သူရဲ့လူမျိုးကို ကာယအသက်ရှင်ဖို့ ကောင်းကင်ကမာနာမုန့် ကိုပေးခဲ့သလို ယနေ့မှာ ကောင်းကင်ကအသက်မုန့်ကို ကျွန်ုပ်တို့အား ပေးနေပါတယ်။ ဒီမုန့်ကတော့ ဝိညာဉ်အသက်ကိုပေးမယ့်မုန့်ဖြစ်တယ်။ ဒီမုန့်ကို နေ့စဉ်စားသုံးခြင်းအားဖြင့် ထာဝရအသက်ကိုရမှာ ဖြစ်ပါတယ်။ အဲဒီမုန့်ကတော့ ကိုယ်တော်မြတ်စက္ကရမင်တူးပဲဖြစ်တယ်။
နောက်တစ်ချက်အနေနဲ့ကတော့ အကျွန်ုပ်တို့ကိုထိခိုက်ကျူးလွန်သောသူတို့၏အပြစ်ကို အ ကျွန်ုပ်တို့ခွင့်လွှတ်သကဲ့သို့ အကျွန်ုပ်တို့၏အပြစ်များကိုလည်း ခွင့်လွှတ်တော်မူပါ။ ဒီအချက်က ကျွန်ုပ် တို့နေ့စဉ်ကျင့်ကြံလျှောက်လမ်းရမယ့် လမ်းစဉ်၊ ကျင့်စဉ်ပဲဖြစ်ပါတယ်။ ကောင်းကင်နိုင်ငံမှာ ချည်နှောင် မှုမရှိပါဘူး။ အဲဒီလိုပဲ ကျွန်ုပ်တို့က တစ်ဦးနဲ့တစ်ဦးချည်နှောင်မှုတွေမထားဘူးဆိုရင် ဒါဟာကောင်းကင် နိုင်ငံပဲဖြစ်ပါတယ်။ ကျွန်ုပ်တို့တစ်ဦးကိုတစ်ဦးခွင့်လွှတ်နေမယ်ဆိုရင် ကျွန်ုပ်တို့အပြစ်တွေကိုလည်း ဘုရားသခင်ကခွင့်လွှတ်ပြီးသားဖြစ်တယ်။ ကျွန်ုပ်တို့တစ်ဦးနဲ့တစ်ဦးခွင့်မလွှတ်နိုင်ဘူးဆိုရင် ကျွန်ုပ်တို့ မှာချည်နှောင်မှုတွေရှိနေပြီး ကောင်းကင်နိုင်ငံတော်နဲ့ အလှမ်းဝေးနေပါလိမ့်မယ်။
နောက်ဆုံးအချက်အနေနဲ့ သင်တို့တွင် မည့်သည့်ဖခင်သည် မိမိ၏သားကငါးကိုတောင်းလျှင်ြေ>ွမကိုပေးမည်နည်း၊ သားဖြစ်သူက ကြက်ဥကိုတောင်းလျှင် မည်သည့်ဖခင်သည် ကင်းမြှီးကောက်ကို ပေးမည်နည်း။ သို့ဖြစ်၍ ဆိုးမိုက်သောသင်တို့ပင်လျှင် ကောင်းသောအရာများကို သင်တို့၏သားသမီး များအားပေးတတ်ကြပါက ကောင်းကင်ဘုံရှင် သင်တို့၏အဖသည် မိမိထံတောင်းလျှောက်သူတို့အား ဝိညာဉ်တော်မြတ်ကို ပို၍ပင် ပေးတော်မူမည်မဟုတ်လော။ ဒီလိုစကားမျိုးကို ကမ္ဘာ့သမိုင်းတစ်လျှောက် မှာပြောခဲ့တဲ့ပုဂ္ဂိုလ်ဆိုလို့ သခင်ယေဇူးတစ်ပါးတည်းပဲရှိပါတယ်။ ကျွန်ုပ်တို့တောင်းတဲ့အရာကိုပေးမယ် လို့မိန့်ကြားထားပါတယ်။ ကျွန်ုပ်တို့ရဲ့လိုအပ်ချက်တွေကိုသိနေတဲ့ ကျွန်ုပ်တို့ရဲ့အဖေဟာ ကျွန်ုပ်တို့ အတွက် အကောင်းဆုံးကိုပေးမယ်ဆိုတာ ယုံကြည်ဖို့လိုအပ်ပါတယ်။ ဒါ့ကြောင့် ကျွန်ုပ်တို့ရဲ့နေ့စဉ် ဘဝအသက်တာမှာ လိုအပ်နေတဲ့အရာတွေကို ပွင့်ပွင့်လင်းလင်း ယုံယုံကြည်ကြည်နဲ့ ကလေးတစ် ယောက်က သူ့ရဲ့ဖခင်ထံမှာတောင်းခံသလိုမျိုး ကျွန်ုပ်တို့ရဲ့ ကာယ၊ ဝိညာဉ်နှစ်ဖြာအတွက် လိုအပ်နေ တဲ့ကျေးဇူးများရရှိဖို့ရန်အတွက် ယုံကြည်ခြင်းအပြည့်နဲ့အတူတကွဆုတောင်းကြဖို့ ဖိတ်ခေါ်လိုက်ပါရစေ
Bro. Donald Martin
No comments:
Post a Comment