အာပတ်ဖြေခြင်းစက္ကရမင်တူးကိုကောင်းမွန်စွာခံယူရန် အဆင့် (၅) ဆင့်
- မိမိ၏အပြစ်နှင့်ဝတ္တရားပျက်ကွက်မှုများကိုစစ်ဆေးပါ။
- စစ်မှန်သောနောင်တစွဲယူပါ။
- အာပါတ်ဖြေခြင်းကိုခံယူပါ။
- မိမိဘဝကိုပြောင်းလဲရန်ဆုံးဖြတ်ချက်ချပါ။
- ရဟန်းမှသတ်မှတ်ပေးသည့်အတိုင်း အပြစ်ဒဏ်ဆပ်ဖြေပါ။
''နာကျင်ခြင်းမေတ္တာ''
အတုမရှိကောင်းမြတ်တော်မူလှသော၊ အရာခပ်သိမ်းတို့ထက်၊ ချစ်ခင်ထိုက်သော၊ အပြစ်ဟူသမျှကိုလည်းမုန်းတော်မူထသော ဘုရား ရှင်ကို ကျွန်ုပ်ပြစ်မှားမိပါသောကြောင့်၊ ပြင်းစွာသောနာကျင်ခြင်းရှိပါ သည်။ နောက်နောင်ကိုယ်တော်၏စောင်မတော်မူခြင်းကိုအမှီပြု၍ အပြစ်ဟူသမျှနှင့် အပြစ်သို့ပို့သောလမ်းများကိုလည်းသေသည် တိုင်အောင် ကြဉ်ရှောင်ပစ်ပယ်ပါမည့်အကြောင်းမြဲမြံစွာ ကျွန်ုပ် ဝန်ခံပါသည်။
အာပတ်ဖြေခြင်း
ခမည်းတော်၊ သားတော်၊ သန့်ရှင်းသောဝိညာဉ်တော်၏ နာမတော်မြတ်နှင့်၊ အာမင်။
အပြစ်ရှိသူတပည့်တော်/မကိုကောင်းကြီးမင်္ဂလာပေးတော်မူပါဘုရား။
တပည့်တော်/မ အာပတ်မဖြေရတာ ( ) ရက်/ပတ် ရှိပါပြီ၊
(မိမိကျူးလွန်ခဲ့သောအပြစ်ကြီးများ၏အမျိုးအမည်နှင့် အကြိမ်အရေအတွက်ကို¤င်း၊ အခြားအပြစ်လေးများကို¤င်း လျှောက်ထားရမည်။)
ယခုလျှောက်သောအပြစ်များ၊ မေ့လျော့နေသောအပြစ်များနှင့် တစ်သက်ပတ်လုံးကျူးလွန်မိသောအပြစ်များကို အခွင့်ချမ်းသာပေးရန် နှင့်အပြစ်ဒဏ်ဆပ်ဖြေရန်ပေးတော်မူပါဘုရား။
(ရဟန်းမှသြဝါဒအနည်းငယ်ပေးပြီး အပြစ်ဒဏ်ဆပ်ဖြေရန်သတ်မှတ်ပေးမည်။)
နာကျင်ခြင်းမေတ္တာ
ခမည်းတော်၊ သားတော်၊ သန့်ရှင်းသောဝိညာဉ်တော်၏
နာမတော်မြတ်နှင့်၊ အာမင်။
မိမိကိုယ်ကိုစစ်ဆေးရန်
- ဘုရားသခင်တည်ရှိတော်မူကြောင်းကိုသံသယဖြစ်(သို့) ငြင်းပယ်မိသလော၊ ဘုရားသခင်၏ဗျာဒိတ်တော်ကိုလက်ခံရန်ငြင်းဆန်မိသလော။
- မိမိ၏ယုံကြည်ခြင်းကိုငြင်းပယ်/စွန့်လွှတ်မိသလော။
- မျှော်လင့်ချက်ကင်းမဲ့အောင်စိတ်ပျက်အားငယ်မိသလော။
- ဘုရားသခင်၏ဂရုဏာတော်ကိုအလွဲသုံးစားပြုလုပ်မိသလော။
- ဆုမတောင်းဘဲကြာမြင့်စွာနေမိသလော။
- ဘုရားကိုတိုင်တည်ပြီးကျိန်ဆိုခြင်း၊ ကျိန်ဆဲခြင်း၊ ကတိဖျက်ခြင်းပြုမိသလော။
- တနင်္ဂနွေနေ့နှင့်ဘာသာဝတ္တရားပွဲနေ့များ၌ မစ္ဆားတရားနာယူရန်ပျက်ကွက် မိသလော။
- ကိုယ်တော်မြတ်စက္ကရမင်တူးရှေ့မှောက်တွင် မရိုမသေပြုမိသလော။
- မစ္ဆားတရားနောက်ကျမိသလော၊ မည်မျှနည်း၊ အဘယ့်ကြောင့်နည်း။
- မစ္ဆားမပြီးခင် ဘုရားကျောင်းမှထွက်ခွာမိသလော။
- အနန္တဂိုဏ်းဝင်များအား မရိုမသေမလေးမစားပြုမိသလော။
- မိမိ၏ မိဘ၊ ဇနီး၊ ခင်ပွန်း၊ သားသမီးတို့အပေါ် ဝတ္တရားပျက်ကွက်မိသလော။
- မိမိရသောလုပ်အားခနှင့်ကိုက်ညီအောင် တာဝန်ကျြေ>ွပန်၏လော။
- အလုပ်သမားများကို တရားမျှတသောလုပ်အားခပေးသလော။
- သူတပါးအား မကောင်းသောပုံသက်သေပြမိသလော။
- သူတပါးယုံကြည်ခြင်းလမ်းလွဲပျက်စီးအောင် ပြုမိသလော။
- ပျင်းရိခြင်း၊ သည်းမခံခြင်း၊ ဒေါသထွက်ခြင်း၊ မနာလိုခြင်း၊ ရက်စက်ခြင်း၊
မာနကြီးခြင်း၊ ကလဲ့စားချေခြင်း၊ မုန်းတီးခြင်း ရှိမိသလော။
- မူးယစ်ဆေးဝါးသုံးစွဲခြင်း၊ အရက်သေစာအလွန်အကျွံသောက်သုံးခြင်း၊ ခိုက်ရန် ဖြစ်ပွားခြင်းပြုမိသလော။
- သူတစ်ပါးအသက်ကိုသတ်မိသလော၊ ထိခိုက်ဒဏ်ရာရအောင်ပြုမိသလော။
- သန္ဓေဖျက်ချရန် အကြံပေးမိသလော၊ ပါဝင်ကူညီမိသလော။
- သက်ကြီးရွယ်အို၊ နာတာရှည်၊ ဒုက္ခိတတို့အား ညင်သာစွာအသက်ထွက်စေရန် သဘောတူလုပ်ဆောင်မိသလော။
- မိမိကိုယ်ကိုအဆုံးစီရင်ရန် ကြံစည်မိသလော။
- မစင်ကြယ်သောအရာများကို လက်ခံစဉ်းစားမိသလော၊ လိုချင်ဆန္ဒဖြစ်ပေါ်မိသ လော။
- အိနြေ္ဒမဲ့ဝတ်စားဆင်ယင်မိသလော။
- မစင်ကြယ်သောစကား၊ ရုပ်ပုံ၊ ဝတ္ထု၊ ဇာတ်လမ်းများပြောဆို၊ နားထောင်၊ ကြည့်ရှု မိသလော။
- မိမိကိုယ်ကို (သို့)သူတစ်ပါးနှင့်မစင်ကြယ်သောအမှုကိုပြုမိသလော။
- လက်ထပ်ထိမ်းမြားခြင်းစက္ကရမင်တူးကိုမခံယူဘဲ အတူနေမိသလော။
သူတစ်ပါးမခံယူအောင် အကြံပေးမိသလော။
- လက်ထပ်ထိမ်းမြားခြင်း၏ရပိုင်ခွင့်ကို အလွဲသုံးစားပြုမိသလော။
- လက်ထပ်ထိမ်းမြားခြင်းကတိသစ္စာများကို ဖောက်ဖျက်ကျူးလွန်မိသလော။
- သူတစ်ပါးဇနီး/ခင်ပွန်းနှင့်ပြစ်မှားမိသလော။
- သဘာဝမဟုတ်သောနည်းဖြင့် သန္ဓေတားမိသလော၊ သားကြောဖြတ်မိသလော။
- လိမ်ညာခြင်း၊ ခိုးယူခြင်း၊ သူတစ်ပါးခိုးယူအောင် အားပေးခြင်းပြုမိသလော။
- ခိုးယူထားသည့်ပစ္စည်းကိုပြန်မပေးဘဲ/တူညီသောတန်ဖိုးအတိုင်းအစားထိုးပေး ဆပ်ခြင်းမပြုဘဲနေမိသလော။
- လာဘ်စားခြင်း၊ ငွေကြေးအလွဲသုံးစားလုပ်ခြင်း ပြုမိသလော။
- သိလျှက်နှင့်လိမ်ညာခြင်း၊ သူတစ်ပါးအကျိုးစီးပွားထိခိုက်စေရန် ကြံစည်ခြင်းပြု မိသလော။
- ရုန့်ရင်းကြမ်းတမ်းသောစကားကိုဆိုခြင်း၊ ကုန်းချောခြင်း၊ သူတစ်ပါး၏အပြစ်/ အားနည်းချက်ကိုထုတ်ဖော်ပြောဆိုမိသလော။
- ဝါတွင်းသောကြာနေ့များ၌ အသားမရှောင်ဘဲနေမိသလော။
- ပါစကားပွဲကာလတွင် ကိုယ်တော်မြတ်ကိုပင့်ယူ၏လော။
- တစ်နှစ်လျှင်အနည်းဆုံးတစ်ကြိမ် အာပတ်ဖြေ၏လော။
- အပြစ်ကြီးရှိလျက်နှင့်အာပတ်မဖြေဘဲ ကိုယ်တော်မြတ်ကိုပင့်ယူမိသလော။
- ကိုယ်တော်မြတ်မပင့်ယူမီ တစ်နာရီအတွင်းအစာရှောင်၏လော။
- အာပတ်ဖြေခြင်းစက္ကရမင်တူးကို မရိုမသေ ခံယူမိသလော။
- အသင်းတော်အား ထောက်ပံ့ကူညီရန် ပျက်ကွက်မိသလော။
မှတ်ချက်။ ။ အထက်ဖော်ပြပါအပြစ်များမှအများစုမှာ အပြစ်ကြီးများဖြစ်သော ကြောင့် ကျူးလွန်မိပါကအာပတ်မဖြေဘဲ ကိုယ်တော်မြတ်ကိုမပင့်ယူသင့်ပါ။ ကြီး လေးသောမှားယွင်းမှုဖြစ်ခြင်း၊ ထိုသို့မှားယွင်းကြောင်းကိုသိခြင်း၊ သိသော်လည်း လက်တွေ့ကျူးလွန်ခြင်း၊ ဤသုံးချက်နှင့်ပြည့်စုံပါက အပြစ်ကြီးဖြစ်သည်။ အာပတ် ဖြေရာတွင် အထူးသတိပြုရန်မှာ အလျင်စလိုပြီးစလွယ်မလုပ်ပါနှင့်၊ ကြည်ညိုလေး စားခြင်းမရှိဘဲ အပေါ်ယံမလုပ်ပါနှင့်။ စိတ်လှုပ်ရှားမှုကို ထိန်းသိမ်းပါ။
No comments:
Post a Comment