(၁၆) ကြိမ်မြောက် သာမာန်တနင်္ဂနွေ

လူသားတွေရဲ့ဘ၀မှာအလုပ်လုပ်ဖို့လိုသလိုအနားယူဖို့လည်းလိုတယ်ဆိုတာကျွန်တော်တို့လူသားတိုင်းသိထားကြတယ်။ ဒီနေ့သခင်ခရစ်တော်က ဧ၀ံဂေလိကျမ်းထဲမှာ တပည့်တော်တွေကိုတရားဟောရာကပြန်လာတဲ့အခါ လူတွေနဲ့ဝေးတဲ့နေရာကိုသွားပြီ အနားယူဖို့ မိန့်ကြားခဲ့တာကိုကြားနာရတယ်။
ကျွန်တော်တို့အားလုံးသိထားတဲ့တရားကိုသခင်ခရစ်တော်ကသူ့ရဲ့တပည့်တော်တွေနဲ့ အဖြစ်အပျက်ကနေသက်သေပြနေပါတယ်။ ဒီနေ့ လောကလူသားတွေဟာ “ကိုယ်လုပ်မှကိုယ်စားရမယ်”ဆိုတဲ့ စိတ်နဲ့ အလုပ်ကိုကြိုးစားရင်းအနားယူဖို့ မေ့နေရုံသာမကတစ်ခါတစ်လေဘုရားကိုပါ မေ့နေတတ်ကြပါတယ်။ ဘုရားနဲ့ဝေးတဲ့ဘ၀ ဆုံးရှုံးခြင်းထဲကထွက်ရမှာမဟုတ်ဘူးဆိုတာကိုသတိထားမိဖို့ကောင်းတယ်။ ဒီနေရာမှာဖတ်ခဲ့ဖူးတဲ့ စာအုပ်တစ်အုပ်ထဲကဘုန်းကြီးတစ်ပါးရဲ့အဖြစ်အပျက်ကို ပြန်လည်ဝေမျှချင်ပါတယ်။ တစ်ခါကနယ်မှာအလုပ်ကြိုးစားတဲ့ ရဟန်းတစ်ပါးဟာစိတ်ဓာတ်တွေကျပြီးတစ်ယောက်တည်းဒီလိုတွေးနေမိတယ်။ “ငါဘုရားသခင်အတွက် အလုပ်တွေကိုနေ့မအား၊ ညမအားအားလပ်ချိန်မရှိလောက်အောင်ထိ ကြိုးစားလုပ်ဆောင်ခဲ့ပေမယ့် ဘာလို့ မအောင်မြင်ရတာလဲ????” ဒီအခါမှာသူ့စိတ်ထဲမှာအသံတစ်သံကြားသလိုခံစားမိခဲ့တယ်။ “ ငါ့သားသင်ကငါ့ရဲ့အလုပ်တွေကိုအစွမ်းကုန်ကြိုးစားနေတာငါသိတယ်။ ဒါပေမယ့် မင်းကငါ့အလုပ်တွေကို ငါ့ကိုမေ့နေတဲ့အထိလုပ်နေတာကိုး၊ မင်းကငါ့ကိုမေ့နေမှတော့ ဘယ်မှာအောင်မြင်မှုရနိုင်မှာလဲ”။ဒီအခါမှပဲဘုန်းကြီးကသူ့ရဲ့အဖြစ်အခြေကို ပြန်လည်သုံးသပ်မိပြီးနောင်တရခဲ့တယ်။။။ ရှင်မာတေးဦးကျမ်း (11:28)မှာ “၀န်လေး၍ပင်ပန်းသောသူအပေါင်းတို့ ငါ့ထံသို့လာကြလော၊ ငါသည် သင်တို့ကိုအားဖြည့်ပေးမည်” ဆိုပြီးသခင်ခရစ်တော်ကဖိတ်ခေါ်ထားပါတယ်။ဒီနေ့ဆာလံမှာလည်း “ထာဝရဘုရားသည် ငါ၏သိုးထိန်းဖြစ်တော်မူ၏။ ကျွန်ုပ်ဠ် မည်သည့်အရာမျှ လိုလေသေးရှိမည်မဟုတ်” လို့ ဆိုထားပါတယ်။ ဒါကြောင့် ဘ၀ရဲ့သိုးထိန်းရှင် ဘုရားသခင်ကိုကိုယ်လုပ်ဆောင်သမျှအရာရာမှာသတိရကြပါစို့…

          စဉ်းစားသုံးသပ်စရာနောက်တစ်ချက်ကတော့ ဒီနေ့ကြားခဲ့ရတဲ့ ဧ၀ံဂေလိကျမ်းစာရဲ့နောက်ဆုံးပိုဒ်လေးပဲဖြစ်ပါတယ်။ ဒီကျမ်းပိုဒ်လေးကလည်းအလွန်အတုယူစရာကောင်းပါတယ်။ သခင်ခရစ်တော်နဲ့ သူ့ရဲ့တပည့်တော်တွေဟာ လူတွေနဲ့ဝေးတဲ့နေရာကို သွားပေမယ့် သူတို့သွားမယ့်နေရာကိုလူတွေကြိုရောက်နေတာမြင်တဲ့အခါ စိတ်ပျက်မသွားပဲနဲ့ လူတွေကိုကြည့်ပြီးသနားတဲ့အတွက် အနားမယူတော့ပဲနဲ့ လူတွေကိုတရားဟောပေးခဲ့တယ်။သခင်ခရစ်တော်နေရာမှာ ကျွန်တော်တို့ဆိုရင်ရောကိုယ့်ရဲ့အနားယူချိန်ကိုသူတစ်ပါးကိုပေးနိုင်ပါ့မလား??? ဒီနေရာမှာလည်းသူတစ်ပါးကိုအချိန်မပေးနိုင်လို့ ၀မ်းနည်းစရာဆုံးရှုံးမှုတစ်ခုနဲ့ ကြုံခဲ့ရတဲ့ ဆရာတော်တစ်ပါးရဲ့ အဖြစ်အပျက်ကိုပြောပြချင်တယ်။ တစ်ခါကညကိုးနာရီ၊ ဆယ်နာရီအချိန်လောက်မှာဆရာတော်တစ်ပါးဟာအိပ်စက်အနားယူဖို့အတွက် တံခါးကိုပိတ်ပြီးမကြာခင်မှာပဲတံခါးခေါက်သံကြားခဲ့တယ်။ဘယ်သူလဲမေးကြည့်တဲ့အခါမှာရဟန်းတစ်ပါးဖြစ်နေခဲ့တယ်။

ဆရာတော် - တပည့်တော်ကိုတွေ့ချင်တဲ့ ကိစ္စကအရေးကြီးလား?

ရဟန်း - တင်ပါ့ဘုရား။ အရမ်းအရေးကြီးပါတယ်။

ဆရာတော် - အရေးကြီးတယ်ဆိုလည်းမနက်ဖြန် မနက်စောစောမှ တွေ့ရအောင်

ဆရာတော်အဲလိုပြောလိုက်တဲ့အချိန်မှာဘုန်းတော်ကြီးကလည်းဘာမှပြန်မပြောပဲလှည့်ထွက်သွားခဲ့တယ်။ မနက်ခင်းအိပ်ရာထတဲ့အချိန် တံခါးကိုဖွင့်လိုက်တဲ့အခါမှာစာအိတ်လေးတစ်ခုတွေ့ခဲ့တယ်။ ဖောက်ဖတ်ကြည့်လိုက်တဲ့အခါမှာတော့ “ဆရာတော်ဘုရား၊ တပည့်တော် ကိုယ်တော့်ကို ပြဿနာတစ်ခုရှိလို့ ရင်ဖွင့်ပြောပြချင်လို့ပါ။ ဒါပေမယ့် ကိုယ်တော်ကတပည့်တော်ကိုအချိန်မပေးနိုင်တော့ တပည့်တော်ရွာကိုပဲ ပြန်သွားလိုက်ပြီ”  ဆိုတဲ့ လ၀တ်လဲသွားတဲ့ ဘုန်းတော်ကြီးရဲ့စာကိုတွေ့လိုက်ရတယ်။ ဆရာတော်လည်းသူ့ရဲ့အချိန်မပေးနိုင်မှုကိုလည်းနောင်တရခဲ့တယ်။ အချိန်လွန်နောင်တဟာအရမ်းနာကျင်ရမှန်းဆရာတော်ဘုရားသိခဲ့တယ်။

ဒီနေ့နာကြားခဲ့ရတဲ့ သမ္မာကျမ်းစာကိုသေချာပြန်လည် စဉ်းစားထောက်ရှုကြအောင်။ ကျွန်တော်တို့ဟာမိဘတွေ၊ အဘိုးအဘွားတွေ၊ ဆွေမျိုးတွေ၊ သူငယ်ချင်းတွေ၊ မိတ်ဆွေတွေကိုချစ်တယ်လို့ အကြိမ်ကြိမ်ပြောခဲ့ပေမယ့် သူတို့အတွက် အချိန်ဘယ်လောက်ပေးခဲ့လဲ? ကိုယ့်ရဲ့အားလပ်ချိန်တွေ ဘယ်လောက်များပေးဆပ်ခဲ့ဖူးလဲ? ပါးစပ်ကချစ်တယ်ပြောပေမယ့် လက်တွေ့မှာတကယအချိန်မပေးနိုင်ခဲ့တာတွေ အလုပ်ကိုအကြောင်းပြခဲ့တာတွေ ဘယ်လောက်များခဲ့ပြီလဲ? အဲဒါတွေကို ပြန်လည်စဉ်းစားကြည့်ရင်းသခင်ခရစ်တော်ကိုပုံနမူနာယူပြီးကိုယ်ချစ်တဲ့သူတွေအတွက်၊ ကိုယ်နဲ့ရင်းနှီးတဲ့သူတွေအတွက်၊ ကိုယ့်ရဲ့မိတ်ဆွေ၊ သူငယ်ချင်းကိုယ့်ကိုယ်ချစ်တဲ့သူတွေအားလုံးအတွက် ကျွန်တော်တို့ရဲ့အချိန်တွေကိုပေးဆပ်နိုင်အောင် ကြိုးစားသွားကြပါစို့……..